मेरो भन्नु........

राष्ट्रको शक्ति भनेको युवा हुन् । उनीहरूकै हातमा देशको भविष्य निर्भर छ । र उनीहरूकै प्रत्यक्ष संलग्नतामा सम्पूर्ण राजनीतिक परिवर्तनहरू भएका छन् । तिनै जुझारू, लगनशील, राष्ट्रप्रति समर्पितहरूसँग संवाद गर्नका निम्ति बनाइएको यो वेबसाइटमा यहाँहरूलाई हार्दिक स्वागत छ  ।

व्यापक आर्थिक वृद्धि गरेर संमृद्ध राष्ट्र बनाउनु, सामाजिक न्यायसहितको सुसंस्कृत र परिस्कृत समाज निर्माण गर्नु अहिलेको आवश्यकता हो । हरेक जातजाति, समुदाय, वर्ग विशेषले व्यवहारिक रूपमा स्वतन्त्रताको अनुभूति नगरेसम्म मुलुकको परिवर्तन भएको मानिने छैन । २१ औं शताब्दीको विज्ञान र प्रविधिको प्रयोगले मात्र मुलुकको विकास र परिवर्तनलाई द्रुत बनाउन सकिन्छ ।

 यसका लागि युवाहरूको राजनीतिमा प्रत्यक्ष भूमिका हुनु पनि अत्यावश्यक छ । हाम्रो समाजका कमजोरीहरू पनि थुप्रै छन् जसकारण हरेक जातजाति, समुदाय, वर्ग विशेषले व्यवहारिक रूपमा स्वतन्त्रताको अनुभूति गर्न पाएकै छैनन् अर्थात् उनीहरू बन्चित छन् । जसका कारण देशले जति फड्को मार्नु पर्ने हो त्यति फड्को मार्न सकिरहेको छैन ।

नेपालमा बेरोजगारी र अशिक्षाको समस्या निकै जटिल छ । यो समस्याको जड नै देशमा भएको राजनीतिक अस्थिरता हो । यही अस्थिरताको असर हाम्रो अर्थव्यवस्थामा परेको छ । जसले गर्दा हाम्रो अर्थतन्त्र टाक्सिएको छ । उद्यमशीलताको विकास हुनसकेको छैन । रोजगारी, सीपमूलक  तालिम लयागतका विषयमा राज्यले स्पस्ट बाटो लिँन नसक्दा हामीले सफलता हासिल गर्न सकेका छैनौं । त्यसैले यस्ता यावत् समस्याको समाधानका लागि एउटा नयाँ सोच, सृजना र उच्च इच्छा शक्तिका साथ संकल्प गरौं  ।

आउनुहोस्, हातमा हात मिलाएर अर्थ–सामाजिक तथा राजनीतिक प्रतिबद्धतालाई साकार पार्न एकजुट हौं । हामी राष्ट्रका सम्पूर्ण चुनौतीहरू समाधान गर्न अवश्य सफल हुनेछौं ।

रबिन्द्र अधिकारी

धन्यवाद

 हामीलाई ट्वीटर र फेसबुकमा पनी फलो गर्न सक्नुहुनेछ |