प्रतिनिधिसभा सदस्य अधिकारीवाट चोरसाँघुमा सेतीनदी माथि वनेको पक्की पुलको उद्घाटन


पोखरा, २४ पुस । प्रतिनिधिसभाका सदस्य रविन्द्र अधिकारीले पोखरा लेखनाथ महानगरपालिकाको वडा नं . ७ र १५ लाई जोड्ने चोरसाँघुमा सेती नदी माथि वनेको पक्की पुलको आज उद्घाटन गर्नुभयो ।

chor sanghu 3

स्थानीय पूर्वाधार विकास तथा कृषि सडक विभाग र जिल्ला समन्वय समितिको कूल रु. एक करोड साठी लाख ८९ हजार ८५६ ।–को लागतमा सो पक्की पुल निर्माण गरिएको हो ।

” कुनै वेला निर्माण अनिश्चित बनेको उक्त्त पुललाई अधिकारीको पहलमा पुल निर्माणले गति लिएको थियो “

कुल लम्वाई २९ .९ मिटर लम्वाई र सात मिटर चौडाई रहेको सो पुल निर्माणमा स्थानीय पूर्वाधार विकास तथा कृषि सडक विभागको ७० प्रतिशत र जिल्ला समन्वय समितिको ३० प्रतिशत खर्च भएको थियो ।

chor sanghu 1

पुल निर्माणसंगै महानगरपालिकाको वडा नं . ७,९,१४,१५ र १७ का स्थानीय जनतालाई आवागमनमा सुविधा पुगेको छ ।

पक्की पुलको उद्घाटनपछि वोल्दै प्रतिनिधिसभाका सदस्य अधिकारीले निर्वाचनपछि वामगठवन्धनले पाँच वर्ष सरकार चलाउन जनादेश प्राप्त गरेको र सो अवधिमा वामगठवन्धनको सरकारले राम्रो काम गरे अर्को पटकको निर्वाचनमा निरन्तरता पाउने तथा राम्रो काम नगरे हराउनु पर्ने विचार व्यक्त गर्नु भयो ।

प्रदेशसभाका सदस्य कृष्ण थापाले राजनैतिक क्रान्ति सकिएकोले अव विकास र आर्थिक समृद्धि गर्ने क्रान्तिको युग भएकोले यसको लागि नेपाली जनतालाई सुख र शान्ती दिन सवै जनप्रतिनिधि अगाडि वढ्नु पर्नेमा जोड दिनु भयो ।

जिल्ला समन्वय समिति कास्कीका संयोजक वैन वहादुर क्षेत्रीको अध्यक्षतामा भएको सो कार्यक्रममा पूर्व सांसद शारदा पौडेल, प्रमुख जिल्ला अधिकारी तारानाथ अधिकारी,स्थानीय पूर्वाधार विकास सतथा कृषि सडक विभागका महानिर्देशक जीवन कुमार श्रेष्ठ,वडाध्यक्षहरु प्रकाश पौडेल,रामचन्द्र वराल, जिल्ला ईन्जिनियर नारायण वराल लगायतका वक्ताहरुले मन्तव्य व्यक्त गर्नुभएको थियो ।

Source:newsnrn.com

Facebook Comments

Leave a Reply

Your email address will not be published. Required fields are marked *


CAPTCHA Image
Reload Image